انصار: (د زمري ۲۵ مه)، سپینه ماڼۍ وایي، په غزه کې د اوربند خبرې به د حماس له نشتوالي سره سره ترسره شي.
حماس د چهارشنبې په ورځ اعلان وکړ چې په غزه کې د اوربند په اړه د خبرو په نوي پړاو کې چې نن پنجشنبې په ورځ په قطر کې ترسره کېږي، ګډون نه کوي.
اخوا یوه باخبره چارواکي رویټرز خبري اژانس ته ویلي چې مرکچیان به وروسته له حماس سره سلا مشورې وکړي.
د سپینې ماڼۍ ویاندې کارن ژان پییر د حماس د دریځ له اعلانولو یو ساعت وروسته خبریالانو ته اعلان وکړ چې د سيآیاې مشر بیل برنز او د منځني ختیځ په چارو کې د امریکا د ولسمشر ځانګړی استازی بریټ مک ګورک به د دوحې په خبرو کې د امریکا استازي وي.
د امریکا حکومت مخکې ویلي وو چې په غزه کې د اوربند په اړه یوې هوکړې ته رسېدل لا هم ممکن دي، خو خبرداری یې ورکړی چې په سیمه کې د جګړې د پراخېدو د مخنیوي لپاره په دغو خبرو کې چټک پرمختګ اړین دی.
URL تعقيب: https://www.ansarpress.com/pashto/32986
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني